ປະເທດຂອງພວກເຮົາ

ໂພສຕ໌ໂຕນີ້ຍັງມີຢູ່ໃນອີກດ້ວຍ: enEnglish

ປະເທດລາວສວຍງາມ

ປະເທດລາວເປັນປະເທດທີ່ສວຍສົດງົດງາມ ທີ່ຕັ້ງຢູ່ໃນອາຊີຕາເວັນອອກສຽງໃຕ້. ຫຼືເຄີຍເອີ້ນວ່າ: ລາວ“ລ້ານຊ້າງ” ເຊິ່ງໝາຍເຖິງ “ດິນແດນທີ່ມີຊ້າງລ້ານໂຕ”, ລາວເປັນລາຊະອານາຈັກຂອງພະພຸດທະຮູບ, ເປັນອີກປະເທດໜຶ່ງທີ່ທ່ານຕ້ອງມາເຫັນໃຫ້ໄດ້ຢູ່ໃນອາຊີຕາເວັນອອກສຽງໃຕ້ ແລະ ເປັນປະເທດທີ່ຂຶ້ນຊື່ລືນາມເລື່ອງຜູ້ຄົນທີ່ເປັນມິດທີ່ສຸດໃນໂລກ ເປັນອັນຍະມະນີທີ່ຍັງບໍ່ຖືກຄົ້ນພົບໃນອາຊີຕາເວັນອອກສຽງໃຕ້ ທີ່ອ້ອມຮອບໄປດ້ວຍພູຜາປ່າດົງ ແລະ ມີແມ່ນ້ຳຂອງເປັນເຂດກັ້ນຊາຍແດນທາງພາກໃຕ້ກັບ 5ປະເທດຄື: ຈີນ,

ເຂດປ່າສະຫງວນພູເຂົາຄວາຍແຫ່ງຊາດ ຫ່າງຈາກສູນຊ່ວຍເຫຼືອສັດປ່າຂອງພວກເຮົາພຽງແຕ່ 5ກມ ເທົ່ານັ້ນ

ມຽນມາ, ຫວຽດນາມ, ໄທ ແລະ ກຳປູເຈຍ ເຊິ່ງງ່າຍຕໍ່ການເດີນທາງໄປທ່ອງທ່ຽວປະເທດຕ່າງໆໃນອາຊີຕາເວັນອອກສຽງໃຕ້
ເປັນປະເທດທີ່ເຫມາະສົມແກ່ການຜ່ອນຄາຍ ແລະ ຈະມີປະໂຫຍກໜຶ່ງທີ່ເມື່ອທ່ານເດີນທາງໄປໃສມາໃສກໍມັກຈະໄດ້ຍິນຄຳນີ້ ຄືຄຳວ່າ“ບໍ່ເປັນຫຍັງ!”ນັ້ນເອງ. ວິຖີການດຳລົງຊີວິດແບບທຳມະຊາດທີ່ເປັນເອກະລັກສະເພາະ ໄດ້ກາຍເປັນສິ່ງທີ່ດຶງດູດນັກທ່ອງທ່ຽວແບກເປ້ເຂົ້າມາທ່ຽວ ສສປ ລາວ ເພື່ອເຂົ້າມາສຳຜັດຄວາມແປກໃໝ່ດັ່ງກ່າວ! ນອກນີ້, ລາວຍັງມີນ້ຳຕົກຕາດທີ່ໃຫຍ່ທີ່ສຸດໃນອາຊີຕາເວັນອອກສຽງໃຕ້ ແລະ ເປັນປະເທດທີ່ມີປ່າໄມ້ອັນອຸດົມສົມບູນເປັນທີ່ສອງຂອງທະວີບອາຊີ
ທ່ານສາມາດກິນອາຫານທີ່ແຊບຊ້ອຍຂອງປະເທດລາວ ເສີບກັບເຂົ້າໜຽວແຊບໆ ຈະເຮັດໃຫ້ທ່ານຕິດໃຈແນ່ນອນ ແລະ ເປັນທີ່ໜ້າສົນໃຈຫຼາຍ ເມື່ອພວກເຮົາພົບຈາກຜົນການສຳຫຼວດວ່າຊາວລາວໄດ້ບໍລິໂພກເຂົ້າໜຽວ 150ກກ/ຄົນ/ປີ.

ປ່າຂອງປະເທດລາວ

ປະເທດລາວເປັນປະເທດທີ່ມີປ່າໄມ້ທີ່ອຸດົມສົມບູນແຫ່ງທີ່ສອງຂອງທະວີບອາຊີ ກວມເອົາ71.6% ຂອງເນື້ອທີ່ດິນທັງໝົດ. ມີຄວາມຫຼາກຫຼາຍທາງດ້ານຊີວະພາບທີ່ເປັນເອກະລັກ ແລະ ສາມາດເປັນບ່ອນຫຼົບໄພໃຫ້ແກ່ສັດປ່າຫຼາຍຊະນິດ ລວມໄປເຖິງບັນດາສັດປ່າກຸ່ມທີ່ໃກ້ຈະສູນພັນແລ້ວ. ປະເທດລາວເປັນບ້ານຂອງສັດທີ່ໃກ້ຈະສູນພັນຫຼາຍຊະນິດ ແລະ ສັດບາງຊະນິດເກືອບກາຍເປັນພຽງແຕ່ອາດີດໄປແລ້ວ ເຊັ່ນວ່າ:ກວາງເສົາລາ ຫຼື ຊື່ຫຼິ້ນຂອງມັນແມ່ນ

ກວາງ ເສົາລາ (Pseudoryx nghetinhensis) - ມ້າບິນຂອງຊາວອາຊີ

ສັດລ້ຽງລູກດ້ວຍນ້ຳນົມທີ່ໃກ້ຈະສູນພັນໃນທົ່ວໂລກ!
ປ່າດົງຂອງປະເທດລາວມີຄວາມລຶກລັບຫຼາຍໆປະການເຊື່ອງຢູ່ ແລະ ປັດຈຸບັນນີ້ພວກເຮົາຍັງຄົງສືບຕໍ່ຄົ້ນຫາສັດສາຍພັນໃໝ່ເປັນຕົ້ນແມ່ນ: ໜູກະຮອກ ຫຼື ໜູຜາ ຊື່ງເປັນສັດຕະກູນທີ່ພວກເຮົາຄິດວ່າໄດ້ສູນພັນໄປແລ້ວໃນ 11 ລ້ານປີກ່ອນ ແລະ ບໍ່ມີໃຜຮູ້ວ່າຍັງມີຫຍັງອີກທີ່ຖືກຊຸກເຊື່ອງໄວ້ໃນປ່າວິເສດແຫ່ງນີ້!

ປ່າເຫຼົ່ານີ້ອາດຈະກາຍເປັນພຽງອະດີດໄປເທົ່ານັ້ນ ຖ້າຫາກພວກເຮົາບໍ່ຮີບຟ້າວລົງມືເຮັດ. ປະເທດລາວຍັງຖືກສົງໄສວ່າເປັນປະເທດທີ່ມີອັດຕາການຄ້າສັດປ່າຜິດກົດໝາຍສູງທີ່ສຸດໃນອາຊີຕາເວັນອອກສຽງໃຕ້ ຮ່ວມສະໜັບສະໜຸນໂຄງການຂອງພວກເຮົາອະນຸລັກຂຸມຊັບແຫ່ງຊີວະນາໆພັນອັນລ້ຳຄ່າຂອງປະເທດລາວເຮົາ ເພື່ອອະນາຄົດຂອງລູກຫຼານ.

 

 

ສົງຄາມລັບ

ເຖິງແມ່ນວ່າຊາວລາວຈະຊື່ສຽງດ້ານຄວາມເປັນມິດ, ແລະມີພຽງໜ້ອຍຄົນເທົ່ານັ້ນທີ່ຮູ້ວ່າລາວເຄີຍມີປະຫວັດສາດອັນອະນາດໃຈມາກ່ອນ ຊາວໂລກສ່ວນຫຼາຍຈະຮູ້ກັນດີວ່າມັນເປັນສົງຄາມລັບ. ໃນໄລຍະທີ່ປະເທດລາວຕົກເປັນຫົວເມືອງຂຶ້ນໃຫ້ຝຣັ່ງເສດ ແລະ ໄດ້ຖືກຈັກກະພັດອາເມຣິກາເຂົ້າມາໂຈມຕີເຮັດໃຫ້ເກີດເປັນ “ສົງຄາມລັດທິຄອມມິວນິດຂຶ້ນ” ເຊິ່ງເປັນສາເຫດເຮັດໃຫ້ປະຊາຊົນລາວ ແລະ ສັດສາວາສິ່ງນາໆໄດ້ຮັບຜົນກະທົບຈາກສົງຄາມດັ່ງກ່າວເປັນຈຳນວນຫຼວງຫຼາຍ ທ່ານສາມາດເບີ່ງຄວາມຈິງກ່ຽວກັບສົງຄາມລັບໃນລາວດັ່ງລຸ່ມນີ້:

  • ປະເທດລາວເປັນປະເທດທີ່ຖືກຫວ່ານລູກລະເບີດໃສ່ຫຼາຍທີ່ສຸດໃນໂລກ
  • ລູກລະເບີດໄດ້ຖືກຫວ່ານໃສ່ປະເທດລາວນັບແຕ່ປີ1964-1975 ແລະ ຫຼາຍກວ່າລູກລະເບີດທີ່ຖືກຫວ່ານລົງໃນສົງຄາມໂລກຄັ້ງທີ່ສອງ(WWII).
  • ລູກລະເບີດແມ່ນຖືກຫວ່ານລົງມາໂດຍສະເລ່ຍ 8ນາທີ/ ໜຶ່ງໜ່ວຍ ເປັນໄລຍະເວລາ 9ປີຕິດຕໍ່ກັນ ແລະ ຫຼາຍກວ່າສອງລ້ານກວ່າໂຕນໄດ້ລະເບີດແລ້ວ!
  • 30 % ຂອງລູກລະເບີດແມ່ນບໍ່ທັນແຕກ ແລະ ເຈົ້າໜ້າທີໄດ້ໃຫ້ການວ່າລູກລະເບີດນ້ອຍທີ່ບໍ່ທັນແຕກຍັງເຫຼືອປະມານ 80ລ້ານລູກ.
    ເຊິ່ງກວມຢູ່ໃນເຂດທີ່ທຸກຍາກກັນດານທີ່ສຸດປະເທດລາວ ແລະ ປັດຈຸບັນລູກລະເບີດດັ່ງກ່າວຍັງຄົງສືບຕໍ່ແຕກ ເຮັດໃຫ້ປະຊາຊົນ ແລະ ສັດສາວາສິ່ງໄດ້ຮັບບາດເຈັບ ແລະ ເສຍຊີວິດຢ່າງຕໍ່ເນື່ອງ.
  • ໄດ້ມີທີມງານ ແລະ ອົງການເຮັດວຽກເພື່ອກວາດລ້າງລູກລະເບີດທີ່ຍັງບໍ່ທັນແຕກຢູ່ທຸກໆມື້ໃນຂົງເຂດທີ່ທຸກຍາກກັນດານ ແລະ ຂອບເຂດທົ່ວປະເທດ. ເພື່ອໃຫ້ຄົນລາວຮຸ້ນຕໍ່ໆໄປພ້ອມທັງສັດປ່າມີຄວາມປອດໄພ.
  • ອີງຕາມເອກະສານອ້າງອີງໃຫ້ຮູ້ວ່າ ສົງຄາມດັ່ງກ່າວໄດ້ເຂັນຂ້າປະຊາຊົນກວ່າ 45,000ຄົນ ແລະ ນອກນັ້ນຍັງມີສັດປ່າໃນຈຳນວນຫຼວງຫຼາຍທີ່ບໍ່ໄດ້ບັນທຶກໄວ້ໃນເອກະສານ ໄດ້ຮັບຜົນກະທົບຈາກລະເບີດດັ່ງກ່າວ.
  • ເນື່ອງຈາກຄວາມທຸກຍາກທີ່ເກີດຂຶ້ນຈາກໄພສົງຄາມ, ໄດ້ເຮັດໃຫ້ປະຊາຊົນທ້ອງຖິ່ນລ່າສັດປ່າເພື່ອໄປເປັນອາຫານ ອັນເປັນສາເຫດເຮັດໃຫ້ປະຊາກອນສັດປ່າຫຼຸດລົງຢ່າງຮ້າຍແຮງ ແລະ ສືບຕໍ່ຄຸກຄາມຈົນມາຮອດໃນປະຈຸບັນນີ້.

ເຖິງແມ່ນວ່າປະເທດລາວຈະມີປະຫວັດອັນເຈັບປວດ ແຕ່ວ່າຊາວລາວກໍ່ຍັງຍິນດີຮັບຕ້ອນບັນດານັກທ່ອງທ່ຽວ ແລະ ແບ່ງປັນໃຫ້ນັກທ່ອງທ່ຽວໄດ້ຮຽນຮູ້ກ່ຽວກັບຮີດຄອງວັດທະນະທຳ ແລະ ປະເພນີຂອງເຂົາເຈົ້າ. ເຖິງແມ່ນວ່າສົງຄາມດັ່ງກ່າວໄດ້ກາຍເປັນແປ້ວທີ່ບໍ່ອາດສາມາດລົບລືມໄດ້ໄປຈາກໃຈຂອງຊາວລາວ ແຕ່ການທີ່ທ່ານເຂົ້າມາທ່ອງທ່ຽວປະເທດສວຍງາມປະເທດນີ້ຈະສາມາດຊ່ວຍໃຫ້ທ່ານໄດ້ມີສ່ວນຮ່ວມໃນການຊ່ວຍເຫຼືອປົວແປງຄວາມເສຍຫາຍຈາກສົງຄາມຄັ້ງກ່ອນ.

Facebook
Facebook
Instagram
YOUTUBE