ທ່ານເປັນພະຍາບານສັດຕະວະແພດ ຫຼື ເປັນນັກສຶກສາພະຍາບານສັດຕະວະແພດທີ່ກຳລັງຊອກຫາໂອກາດໃໝ່ ເພື່ອນໍາໃຊ້ ແລະ ແບ່ງປັນທັກສະຂອງທ່ານແມ່ນບໍ? ພິຈາລະນາມາເປັນອາສາສະໝັກຮ່ວມກັບທີມງານສັດຕະວະແພດຂອງພວກເຮົາທີ່ມູນນິທິອະນຸລັກສັດປ່າລາວ!
ຢູ່ໃນໂຮງໝໍສັດປ່າຂອງພວກເຮົາ ທ່ານສາມາດແບ່ງປັນ ແລະ ຝຶກຝົນທັກສະຂອງທ່ານໂດຍການຊ່ວຍເຫຼືອທີມງານສັດຕະວະແພດຂອງພວກເຮົາປິ່ນປົວສັດປ່າທີ່ກູ້ໄພມາ. ການມາເປັນສ່ວນໜຶ່ງຂອງທີມງານພວກເຮົາທ່ານຈະໄດ້ປິ່ນປົວຮັກສາສັດທີ່ຢູ່ໃນໂຮງໝໍ ແລະ ນອກໂຮງໝໍ, ຊ່ວຍເຫຼືອວຽກງານໃນຂັ້ນຕອນການຜ່າຕັດສັດປ່າ, ການລ້ຽງດູສັດປ່າ ແລະ ເບິ່ງຜົນການເຮັດວຽກດ້ານຊ່ວຍເຫຼືອສັດປ່າຢ່າງໃກ້ຊິດໃນແຕ່ລະມື້.
